Kinilala ng Department of Science and Technology (DOST) ang pangunahing Micro, Small, and Medium Enterprises (MSMEs) na nakapag-upgrade sa modern manufacturing technologies at may kakayahang humarap sa next wave ng global industrialization, gayundin ang mga nakapag-adopt sa frontier technologies na nagpapatibay sa kanilang market standing.
Ayon sa Science and Technology Information Institute of DOST (DOST-STII), ang SETUP Forum and Awards ay kumikilala sa top MSMEs na nagpakita ng kagustuhan at kakayahan na umangkop sa nagbabagong industry landscape sa kabila ng iba’t ibang pagsubok na dala ng COVID-19 pandemic.
“As the industry shifts to Industry 4.0, the MSMEs are slowly pivoting to more sophisticated technologies which include cloud computing, data science, additive manufacturing, robotics, artificial intelligence, and automation, among others,” saad ng ahensya.
Ang SETUP Awards ay nahahati sa tatlong kategorya, ang 2022 ICON Awards o ang Industry 4.0 Champion of Innovation Award; ang I-Ready Award o Industry 4.0 Ready Award; at ang SEUP PRAISE Awards.
Kabilang sa finalists ng I-Ready Awards category ngayong taon ang I-Provide Health Food Company, at Ideatechs Packaging Corporation na nag-aalok ng customized paper packaging products kagaya ng cups, bowls, meal boxes, atbp. Ang Tonio’s Sisig mula Region IV-A, Filbake Food Corp. ng Region VI, at Herbanext ay kabilang din sa mga finalist.
Ang Balubal Sash and Furniture Shop mula Cordillera Administrative Region; ACT Machineries and Metal Craft Corporation ng Region 2; Northwind Fine Herd Int’l Inc.; Nisco Phils. Enterprise; at GICA Engineering Technology ang pangunahing finalists naman sa ICON Award.
Ang Filbake Food Corp. na pag-aari ni John Guidon Macciri I. De la Cruz ang nanguna sa national award para sa I-Ready, at ang ACT Machineries and Metals Craft Corporation na pag-aari ni Samuel Paul I. Babas ang nagwagi naman bilang ICON national winner.
Samantala, ang JLM Farms, isang vegetable farm sa Cordillera region na pag-aari ni Mr. Johnny L. Marcos, ang nag-uwi ng SETUP Praise Award ngayong taon. Ang JLM Farms ay kinilala rin bilang Most Sustainable MSME ng Board of Judges mula sa sa UP Institute for Small Scale Industry na pinangungunahan ng kanilang director na si Prof. Melanie Moraga-Leaño.
Narito ang iba pang MSMEs na pinarangalan ngayong taon: Manila HealthTek Inc. bilang Most Innovative MSME; Ginga Agrifood Manufacturing Enterprises, Inc. bilang Most Agile MSME; Negros Prawn Producers Cooperative bilang Most Resilient MSME; at Provider Enterprises bilang Most Productive MSME.
Ang mga regional winner ay nagkamit ng trophy at cash prize na nagkakahalagang P20,000; ang finalists naman ay nag-uwi ng trophy at P50,000; samantala ang national awardees ay nakatanggap naman ng trophy at P100,000 bawat isa.
Sa kanyang talumpati, ibinahagi ni DOST Secretary Renato U. Solidum Jr. na maraming inilunsad na programa ang ahensya upang tulungan ang MSMEs na lumago sa pamamagitan ng iba’t ibang technological interventions para sa product improvement at funding para sa business development services.
“Our micro and small enterprises, as compared to large firms, often lag behind in capital, managerial and workforce skills, inability to exploit scale economies in production, and the lack of awareness on market opportunities and new technologies. And with the emergence of new industries, it is important that no one gets left behind and everyone should be equipped with the right tools and knowledge to go with the flow, adaptable, and be flexible enough to the changes brought by innovation,” paliwanag niya.
